Myndin er fengin af vef Veðurstofu Íslands og sýnir upptök skjálftans sem græna stjörnu.

UPPFÆRT KL. 01 18 -  Hátt í 100 skjálftar hafa mælst í kvöld á svæðinu.  Flestir af stærðinni 1,5 –2.

Myndin ef fengin af vef Veðurstofu Íslands og sýnir upptök skjálftanna.

Landrisið eitt og sér hefði þó tæplega þau áhrif að vatnið leggur ekki.  Ekki hefur verið óeðlileg skjálftavirkni á svæðinu.

Rúv — Loftmyndir af Öskjuvatni

UPPFÆRT 17/4

Bæði Haraldur Sigurðsson eldfjallafræðingur og Einar Sveinbjörnsson veðurfræðingur hafa tjáð sig um þetta mál á bloggsíðum sínum og telja að óvenjulegt tíðarfar valdi ísleysinu.  Færa þeir fyrir því sterk rök.

Haraldur Sigurðsson — Flettu vindar ísnum af Öskjuvatni ?

Einar Sveinbjörnsson — Ísinn á Öskjuvatni — eðlilegar veðurfarsskýringar ?

Undanfarin ár hafa nokkrir mjög  stórir jarðskjálftar orðið undan ströndum Súmötru.   Sá stærsti í desember 2004 mældist 9,1 en árin 2005, 2006 og 2007 urðu skjálftar á svipuðum slóðum upp á 8,5– 8,6.  Við vissar aðstæður geta myndast skaðlegar flóðbylgjum (tsunami)við svo öfluga skjálfta.

Vert er að benda á athyglisverða frétt á mbl.is þar sem Páll Einarsson jarðeðlisfræðingur segir að skjálftinn í morgun sé að mörgu leiti óvenjulegur.  Hann er ekki á hefðbundnum flekamótum eins og flestir skjálftar, heldur við sniðgengishreyfingu við úthafsfleka þar sem jarðskorpan er þunn og hefur hingað til verið talið að svo stórir skjálftar gætu ekki orðið við slíkar aðstæður.  Sniðgengishreyfingin veldur því að hafsbotninn hreyfist í lárétta stefnu en lyftist ekki upp eins og gerist á flekamótum þar sem einn fleki skríður undir annan, líkt og olli stóru skjálftunum og flóðbylgjunum við Indónesíu 2004 og Japan 2011.  Þegar hreyfingin er lárétt eru miklu minni líkur á flóðbylgju.

Skjálftinn í morgun kemst  í hóp 15 stærstu jarðskjálfta sem mælst hafa á jörðinni frá því farið var að mæla jarðskjálfta.

Fréttir um skjálftana:

cnn.com: Quake off Indonesia triggers tsunami alert

mbl.is:  Jarðskjálfti upp á 8,7 stig

ruv.is: Skjálfti upp á 8,7 við Súmötru

Á neðri myndinni sést dreyfing stærstu skjálftanna í hrinunni í dag samkvæmt Google earth.  Séu þessar staðsetningar réttar er um mjög óvenjulegan atburð að ræða því venjulega raða skjálftar sér nokkurnveginn í röð eftir misgenginu en hér eru þeir óreglulegir.

Síðast varð hrina í Kistufelli í desember síðastliðnum.  Jarðskjálftahrinur á þessu svæði hafa verið algengar undanfarin ár, sem og víðar í Bárðarbungueldstöðinni ss. í Hamrinum sunnan til í Bárðarbungukerfinu.

Myndin er fengin af vef Veðurstofu Íslands.

Um 20 skjálftar hafa mælst í hrinunni, sá stærsti tæplegar 3 á Richter varð í nótt.  Athygli vekur að flestir eru skjálftarnir á um 10–12 km dýpi sem gæti bent til einhvernskonar kvikuhreyfinga undir eldstöðinni.

Meðfylgjandi mynd er fengin af skálftavefsjá veðurstofu Íslands.

Fréttir í öðrum miðlum um skjálftana:

mbl.is Jarðskjálftahrina við Tungnafellsjökul

vísir.is Skjálftahrina við Tungnafellsjökul

dv.is Jarðskjálftahrina hófst á Skírdag

ruv.is Skjálftar við Tungnafellsjökul

Annar fróðleikur um Tungnafellsjökul Meistaravörn Þórhildar Björnsdóttur, úrdráttur.

Nokkur virkni hefur verið á svæðinu undanfarin ár, aukin jarðskjálftavirkni og einhver kvikutilfærsla á svæðinu umhverfis Upptyppinga en vafamál er þó hvort það tengist Öskjueldstöðinni með beinum hætti.  Ekki hefur verið tekin ákvörðun um hvort svæðið verður sérstaklega vaktað en fylgst verður með því.

Vegna legu eldstöðvarinnar þá telst hún ekki sérlega hættuleg enda órafjarri mannabyggðum og gos á þessum slóðum veldur ekki jökulhlaupi og gerir varla skaða á virkjanasvæðum.  En þrátt fyrir fjarlægðirnar þá olli stórgosið i Öskju 1875 gríðarlegu öskufalli og stórtjóni af völdum þess á Austurlandi.

Það getur gosið í öskjunni sjálfri eða í fjöllunum umhverfis hana.  Síðast gaus í kerfinu árið 1961.  Nokkrar jarðhræringar voru i aðdraganda gossins, jarðskjálftar og leirhverir opnuðust í svokölluðu Öskjuopi en þar gaus svo í október sama ár.

Mbl.is 4.apríl

Ábending: fólk fari ekki inn að Öskju

Mbl.is greinir frá því nú síðdegis að mælst er til þess að  fólk fari ekki inná svæðið umhverfis Öskju að óþörfu því mögulegt er að eitraðar gastegundir séu að leita upp.  Ekki er vitað hvaða atburðarás er í gangi á svæðinu.  Sérstaklega er varað við Öskjuvatni og  gígnum Víti sem er rétt við vatnið.

Þess má geta að árið 1986 fórust um 1700 manns í Afríkuríkinu Cameroon þegar eitraðar gastegundir stigu frá botni Nyos stöðuvatnsins.  Voru það íbúar í nágrenni vatnsins.  Það var einmitt Íslenskur eldfjallafræðingur, Haraldur Sigurðsson, sem fyrstur manna áttaði sig á hvað var að gerast á þeim slóðum.  Á þessari stundu er ekkert sérstakt sem bendir til þess að eitraðar gastegundir séu endilega að stíga upp en allur er varinn góður meðan menn vita ekki hvað er að gerast þarna.

Fyrir rúmum mánuði varð heldur öflugri hrina úti fyrir Reykjanesi en það var fjær landi en hrinan í kvöld.  Þá er skemmst að minnast skjálftanna við Hafnarfjörð í byrjun mars.  Það virðist því nokkur óróleiki í gangi á vestara gosbeltinu.

Myndin er fengin af vef Veðurstofu Íslands og sýnir upptök skjálftanna í kvöld.

Fyrr í kvöld urðu tveir skjálftar  af svipaðri stærð norður af Gjögri, fyrir minni Eyjafjarðar.  Fundust þeir kippir víða við vestanverðan Eyjafjörð.

Meðfylgjandi mynd er af vef Veðurstofunnar og sýnir jarðskjálfta síðustu 2 sólarhringa.

UPPFÆRT KL. 14 26

Hrinan við Helgafell fjaraði út á nokkrum klukkustundum en gæti tekið sig upp aftur.  Varla er þó við því að búast að skjálftarnir verði stærri en þeir sem urðu í nótt en sá síðari mældist 4,2M.  Eins og fram kemur í þessari frétt mbl.is þá urðu skjálftarnir nær höfuðborgarsvæðinu en vant er og á minna sprungnu svæði.  Því fundust þeir mjög vel og ollu jafnvel einhverjum skemmdum á húsum í Vallarhverfinu í Hafnarfirði samkvæmt fréttum.

Skjálftarnir í nótt urðu á sprungu sem liggur frá Kleifarvatni, um Sveifluháls og að Rauðavatni.  Þannig gætu orðið skjálftar á þessari sprungu enn nær byggð en í gærkvöldi þó ekkert bendi svosem til þess.

Vert er að vekja athygli á góðri bloggfærslu Ómars Ragnarssonar um þessa skjálfta og Reykjanesskagann.